Kim nə qədər müavinət alacaq? - Rəqəmlər

Sosial müavinətlərin məbləğinin artırılması haqqında Azərbaycan Respublikası Prezidentinin Fərmanından sonra aylıq və birdəfəlik müavinətlərin məbləği orta hesabla 10 faiz artırılıb.

İqtisadçı Qalib Toğrul verdiyi açıqlamasında hansı müavinətin nə qədər artması barədə məlumat verib:
“Aylıq müavinətlərin bəziləri:
1. Yaşa görə müavinət 6 manat artaraq 66 manat oldu
2. Azərbaycan Respublikasının ərazi bütövlüyü, müstəqilliyi uğrunda, konstitusiya quruluşunun müdafiəsi ilə əlaqədar və 1990-cı ilin 20 Yanvar hadisələrində əlil olanlar
- I qrup 8 manat 30 qəpik artaraq 91 manat 30 qəp,
- II qrup 6 manat 60 qəpik artaraq 72 manat 60 qəp,
- III qrup 6 manat artaraq 66 manat oldu.
3. Ailə başçısını itirməyə görə müavinət 5 manat 50 qəp artaraq 60 manat 50 qəp oldu
4. Şəhid uşaqlarına verilən müavinət 1 manat 70 qəp artaraq 18 manat 70 qəp oldu.
Birdəfəlik müavinətlərdən bəziləri:
- Uşağın anadan olmasına görə müavinət 9 manat artaraq 99 manat,
- Dəfn üçün müavinət 12 manat artaraq 132 manat oldu”. işsizlik, sosial yardım