AFFA bir neçə klubu cərimələdi

AFFA-nın İntizam Komitəsinin iclası keçirilib.

GÜNpress.az-ın məlumatına görə, martın 30-da XXVII Topaz Premyer Liqasının XXII turunun “Zirə” – “Səbail” matçında “Səbail” klubunun 4 futbolçusu sarı vərəqə ilə cəzalandığı üçün klub 800 manat cərimə olunub. Təcili tibbi yardımın nümayəndəsi oyunöncəsi iclasda iştirak etmədiyinə görə meydan sahibi klub 800 manat cərimələnib.

İntizam Komitəsinin qərarına əsasən martın 30-da 2018/2019 mövsümündə, XXVII Topaz Premyer Liqasının XXII turunun “Qəbələ” – “Sabah” matçının 90+1-ci dəqiqəsində “Sabah” klubunun 5 №-li futbolçusu Kərim Diniyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub.

Aprelin 1-də 2018/2019 mövsümündə, XXVII Topaz Premyer Liqasının XXII turunun “Sumqayıt” – “Qarabağ” matçının 84-cü dəqiqəsində “Sumqayıt” klubunun azarkeşləri tərəfindən meydana yad əşyalar atıldığına görə klub 1600 manat cərimə olunub.