Ziya Məmmədovun qoçuları taksi sürücüsünü bezdirdi; özünə od vurdu

Bakıda taksi sürücüsü üzərinə benzin tökərək özünü yandırıb. Gunpress.az “Report”a istinadən xəbər verir ki, hadisə Bakının 20 Yanvar dairəsində baş verib.


Belə ki, o, nəqliyyat departamentinin əməkdaşları ilə mübahisə edib. O, əsəbləşərək üzərinə benzin tökərək özünü yandırıb.

Taksi sürücüsü xəstəxanaya çatdırılıb. Hazırda onun şəxsiyyəti dəqiqləşdirilir.

Qeyd edək ki, bu, nəqliyyat müfəttişləri ilə sürücülər arasında baş verən sonuncu münaqişə deyil. Dəfələrlə departament əməkdaşları ilə sürücülər arasında belə qarşıdurmalar olsa da, onlarla bağlı heç bir cəza tədbiri görülməyib.

Fotolar azxeber.com-a məxsusdur.

***

Yasamal Rayon Polis İdarəsindən APA-ya verilən məlumata görə, “20 Yanvar” dairəsinin yaxınlığında özünü öldürmək istəyən şəxs Bakı şəhər sakini, 1976-cı il təvəllüdlü Arzuman Həzərxan oğlu Hümbətov olub. O, yanıq xəsarətləri ilə Yanıq Mərkəzinə yerləşdirilib.

Yanıq Mərkəzindən verilən məlumata görə, A. Hümbətov üçüncü dərəcəli yanıq xəsarətləri alıb. Hazırda vəziyyəti ağırdır.