Arıqlamaq dərmanı 24 yaşlı qadını öldürüb

Britaniyalı 24 yaşlı qadın arıqlamaq üçün nəzərdə tutulan həb qəbul etdikdən sonra ürək tutmasından ölüb. Modern.az xarici KİV-ə istinadən xəbər verir ki, arıqlamağı arzulayan Kara Reynolds piy qatının səmərəli azaldılması üçün reklam olunan moruq ketonu alıb. Halbuki ailə üzvləri onun kök olmaqdan əziyyət çəkdiyini düşünməyiblər.
“Boyu 162 santimetr olduğundan çəkisi də normal olub. O, 38 ölçüdə paltar geyinirdi”, - atası belə deyib. Rəfiqələri deyiblər ki, 2 həb qəbul etdikdən sonra Karanın ürəyində problem yaranıb və bir daha istifadə etməyəcəyini bildirib. Bununla belə, əri ilə münadibətləri pozulandan bir ay sonra bəxtsiz qadın bu həbi daha çox sayda qəbul edib. Bir müddət sonra ürək tutmaları başlayıb, nəfəs almaqda çətinlik çəkib. Onu reanimasiya etməyə cəhd edilsə də, uğurlu olmayıb. Kara ürək tutmasından dünyasını dəyişib.