Azərbaycan Dövlət Pedaqoji Kollecində İctimai Şura üzvülərinin görüşü olub

İclası giriş sözü ilə açan ADPK-nin direktoru, dosent İsrayıl İsgəndərov, kollecin əsas fəaliyyət prinsiplərinin şəffaflıq, idarəetmənin optimallaşdırılması və tədrisin keyfiyyətinin müasir tələblərə uyğunlaşdırılması olduğunu, bu prinsiplərin tələb etdiyi əsas yanaşmalardan birinin isə vətəndaş cəmiyyəti institutları, təhsil ekspertləri və KİV ilə sıx əməkdaşlığın qurulmasının vacibliyini vurğulayıb: 

"Azərbaycan Respublikasının Prezidenti cənab İlham Əliyevin müəyyən etdiyi vəzifələrdən biri də ictimai nəzarətin həyata keçirilməsinə şərait yaradılmasıdır. Azərbaycan Respublikası Təhsil Nazirli cənab Ceyhun Bayramovun imtahan sesiyasının təşkili və keçirilməsi barədə imzaladığı əmrdə isə imtahan sesiyasında şəffaflığın təmin olunması üçün imtahanlarda ictimayyət nümayəndələrinin və valideynlərin iştirakına şərait yaradılması qeyd edilmişdir. Bunları nəzərə alaraq ADPU nəzdində ADPK-də kollecində tədris prosesində ictimai nəzarətin təmin olunmasına xüsusi önəm veririk”. Azərbaycan Dövlət Pedaqoji Universitetində tədrisin təşkili üzrə İctimai Şuranın sədri, Beynəlxalq Avrasiya Mətbuat Fondunun prezidenti Umud Mirzəyev bildirib ki, ictimai şuranın qarşısında duran əsas məqsəd imtahan sessiyasının şəffaf keçirilməsi, tələbələrin biliyinin qiymətləndirilməsində obyektivliyin təmin olunması ilə bağlı ictimaiyyəti məlumatlandırmaqdır. İclasda İctimai Şuranın üzvləri tədris məsələləri ilə bağlı təkliflərlə çıxış ediblər. İclasdan sonra İmtahanlara nəzarət edən müəllim-koordinatorların bölgüsü ilə tanış olan İctimai Şuranın üzvləri, Kollecin monitorinq otağında olub, auditoriyalarda keçirilən imtahan prosesini izləyib, yazı işlərinin kodlaşdırılması ilə tanış olub, imtahanların təşkilinə və aparılmasına baxış keçiriblər. Məlum olub ki, imtahan sessiyasının gedişinə nəzarət etmək, tələbə və valideynlərin, həmçinin ictimaiyyətin müraciətlərinin qəbulu və araşdırılması məqsədilə İmtahan Qərargah Bölməsi və Apellyasiya Komissiyası fəaliyyət göstərir. Qiymətləndirmədən narazı qalan tələbələrin Qərargaha və Apellyasiya Komissiyasına müraciəti üçün münbit şərait təmin edilib. İctimai şuranın üzvləri Kollecdə görülən işləri yüksək qiymətləndirib, imtahanların şəffaf və obyektiv keçirilməsini, imtahan prosesində baş verə biləcək bütün neqativ halların qarşısının alınması üçün lazımi tədbirlərin görülməsini təqdir edib, tələbələrə öz biliklərini ifadə etmək üçün yaradılan şəraitdən məmnunluq ifadə ediblər.