Həbsdəki hüquq müdafiəçisi damarlarını kəsdi

Həbsdə olan hüquq müdafiəçisi, sabiq vicdan məhbusu Taleh Xasməmmədov damarlarını kəsib və Ədliyyə Nazirliyinin tibb müəssisəsinə yerləşdirilib.

Xasməmmədovun doğmalarının Turan-a verdiyi məlumata görə, 10 gün əvvəl o, Gəncə İstintaq Təcridxanasında cinayət işinin saxtalaşdırılmasına qarşı etiraz əlaməti olaraq aclığa başlayıb. 6 gün sonra onu Gəncədəki ruhi-əsəb xəstəxanasına gətiriblər.

Bazar günü o, xəstəxanada damarlarını kəsib və Ədliyyə Nazirliyinin xəstəxanasına köçürülüb.

Xatırladaq ki, T.Xasməmmədov həbs edildiyi ərəfədə Göyçayda icra strukturlarının fəaliyyətini tənqid edirdi. Yaxınları bildirir ki, hüquq müdafiəçisi icra başçısının göstərişi ilə şərlənərək saxlanılıb. O fevralın 24-də xuliqanlıq ittihamı ilə həbs edilib.