Ramil Usubov iki DYP rəisi təyin etdi - DİN də dəyişiklik
Daxili İşlər naziri general-polkovnik Ramil Usubov yeni rəis təyin edib.
GÜNpress.az unikal.org-a istinadən xəbər verir ki, Ramil Usubovun müvafiq əmri ilə polis polkovnik-leytenantı Mehman Fətəliyev Səbail rayon Dövlət Yol Polisi Şöbəsinin rəisi vəzifəsinə təyinat alıb. O, bu təyinata qədər Nəsimi Rayon Polis İdarəsinin Dövlət Yol Polisi Şöbəsinin (DYPŞ) rəisi olub.
Qeyd edək ki, Səbail Rayon Polis İdarəsinin Dövlət Yol Polisi (RPİ DYP) şöbəsinin yeni rəisi, polis polkovnik-leytenantı Mehman Fətəliyev yeni idman növlərindən sayılan qrapplinqlə məşğul olur. Bir neçə uğurlara imza atan polis zabiti sonuncu dəfə Bakıda keçirilən dünya çempionatında bürünc medal qazanmışdı.
Ramil Usubovun digər əmri ilə Yasamal rayon Dövlət Yol Polisi Bölməsinin rəisi Qəhrəman Qələndərov Nəsimi Rayon Polis İdarəsinin Dövlət Yol Polisi Şöbəsinin (DYPŞ) rəisi təyin olunub.
Qeyd edək ki, Yasamal rayon Dövlət Yol Polisi şöbəsinin rəisi vəzifəsini müvəqqəti olaraq Məmməd Əliyev icra edir.
